投資推廣署呢排犯太歲，本來好心用八千萬元搞「維港巨星匯」，點知引發全城起哄，俾人質疑用錢不當，因此忙於四圍解畫。不過，呢個盛會嘅宣傳工作一啲都冇放慢，八方噚日收到一位讀者嘅電郵傳相（圖），只見「維港巨星匯」海報掛喺鬧市，有成十層樓高，搶眼非常。而且，張大海報更由東方海外嘅十幾個大貨櫃「撐」起。 大家應該知道，東方海外有幾巴閉，第一大股東係政壇第一家族董家，第二大股東係商界第一家族李家，有佢哋撐住，莫講「滾石」，「爆石」都唔使驚啦！ 傳真︰2623-9278 電郵︰[email protected]