讀書時副修家政的YoYo，最愛食到邊就學煮到邊！年頭光顧九龍城街市的泰式雜貨店，藉機叫老闆教煮老公至愛的泰式明爐魚，不但𠱁得老公好開心，YoYo更發覺以往出街吃此菜簡直被掠水！因為閒閒哋過百，但自己煮二十蚊就搞掂！分分鐘可以慳成嚿水！
記者：吳佩璇 攝影：梁細權
逢星期一至五出版
7年前，從事飛機維修的黃生，因有飛行優惠的關係，一年最少到泰國旅遊3次，去得多泰國，也因此愛上泰菜，貪其香口惹味。平日約朋友出街食飯，亦必首選泰國餐館。
老公鍾意食泰菜，老婆YoYo就經常陪他出街食。直至年頭幫襯泰式雜貨店，在老闆教路下，回家試煮泰式明爐魚。有家政底子的YoYo，一試便煮出味道來，黃生驚喜得不能言語：「估唔到老婆首次煮明爐魚啫，重好味過出街食！」被老公這麼一讚，YoYo高興地說：「老公鍾意食乜我就整乜。」
因為老公鍾意食，YoYo在專人指教下，首次炮製泰式明爐魚，即已𠱁得老公好開心，YoYo更坦言：「原來自己煮真係慳好多！煮落亦都唔難。」而愛入廚的她，廚具又齊全，以往煮煲仔菜時便已買下一個小火爐，煮明爐魚就更似模似樣，跟出街食沒有兩樣。
烏頭1條、冬蔭功湯包1包（有齊檸檬葉、青檸、香茅等）、瘦肉2両、椰菜、葱及芫荽各適量、酸梅２粒、檸檬汁少許
出街食豬頸肉，至少五、六十蚊，自己煮十蚊左右就搞掂，而且非常容易煮，到超巿買一Pack豬頸肉，煎香便可以。不過愛鑽研廚藝的YoYo，還會再入焗爐焗，令其更惹味。YoYo又專誠到九龍城問老闆點可以自調秘製醬汁伴豬頸肉吃，幾經試味，便調製出至夾的獨家醬料。滿足到老公胃口之餘，最怕食肉帶有骨的仔仔，都好鍾意呢味豬頸肉。
豬頸肉1包（2件）
醬汁：青檸半個（榨汁）、魚露2茶匙、糖1茶匙、辣椒粉、炒米、紅葱頭及蒜頭各少許
