女子組合Cookies和鄧健泓等出席一個沙灘排球賽，其中Cookies的鄧麗欣（Stephy）是香港青年排球代表隊出身，在比賽期間，不時瞓身撲波，球技了得，但其隊友Theresa則只懂閃避，最後他們敗給DJ隊。
女子組合Cookies、鄧健泓（Patrick）和EO2，昨天出席「903全運會」於彩虹運動場舉行的沙灘排球賽，迎戰DJ隊，Cookies成員Miki因另有工作而缺席。三餅女看來弱質纖纖，但原來打排球是Stephy的強項，而Theresa和Kary並不精於排球，所以大部份時間都是Stephy出賽，她們只在最後一個回合落場，Kary站在網前只懂大叫，而Theresa對着衝來的排球，更只懂閃避。
相反，曾是香港青年排球代表隊的Stephy，打球時有姿勢又有實際，通常都由她來發球，而且常常都瞓身撲波，十分投入，可惜最後歌星隊都輸給DJ隊。Stephy說：「以前係香港青年隊，本來有機會代表香港去泰國比賽，但當時已經做緊模特兒，要去拍護膚品廣告，為咗唔好曬黑，我推咗冇去，𠵱家都覺得後悔。頭先好在有Kary佢哋同我打氣，支持我，如果唔係都開唔到波。」
至於Theresa則說：「讀書時每星期只得半個鐘嘅體育堂，重要係自由堂，所以都唔識打排球，所以知道要打波都幾大鑊，淨係諗住嚟做茶水。」另外，Patrick帶病比賽，他說：「我頭先咳就覺得唔夠氣，後尾要去廁所咳晒啲痰出嚟。」
採訪、攝影：王連連
