倒董好落力嘅珠海書院學生邱建華，上個月因為佢係唔係珠海書院學生嘅身份，同珠海嘅滅絕師太曹虹紮一輪馬，過咗幾招，重惹來珠海壓制言論嘅非議。
原來口靚妹仔近日已經辭去民主倒董力量秘書嘅高職，一向政治敏感嘅八方即刻諗：係咪受到校方壓力呢？八方搵唔到邱建華，民主倒董力量副召集人陶君行就話邱建華辭職冇特別原因，只係佢早排放暑假，所以幫手一個月，當係暑期工，𠵱家開咗學，所以咪要辭工囉。
邱建華放暑假，好跟唔跟，同倒董力量埋堆，攞足政治嘅實戰經驗，上足電再反撲番珠海，間學校咁細，曹師太喺學校撞到佢，唔知會唔會叫佢企定，向佢重溫吓校規呢？
（圖）邱建華（中）因為要返學，所以辭去倒董力量秘書一職。
傳真︰2623-9278
電郵︰