香港近年黑過墨斗，呢個時候睇番美國三十年代經濟大蕭條嘅經歷，零舍有啟發。馬會今年慶祝沙田馬場二十五周年紀念，特別贊助一套美國片《壯志奔騰》（Seabiscuit）喺九月二十六日首映。
八方先睹為快，內容感人不特止，難得馬會咁刁鑽，呢套專門講賽馬嘅片都咁啱畀佢哋搵到。套戲主角係一匹叫「海畢」嘅弱小賽馬，遇上一個身材過於高大嘅落魄騎師、獨子意外去世兼失婚嘅馬主，同埋一個失意練馬師。
想知道呢個組合點樣可以排除萬難，成功挑戰全美頂級馬王，令無數陷於大蕭條逆境中嘅美國人受到鼓舞，大家就要親自睇吓，套戲對今時今日嘅香港人有冇振奮人心嘅效果。由九月二十六日起去新港同四間UA戲院睇呢套戲，馬會重送沙田馬場門券、跑馬地馬場導賞團買一送一優惠等禮品。
傳真︰2623-9278
電郵︰