國務院副總理吳儀大姐噚日喺北京見班香港婦女界代表，八方聽聞會上氣氛好搞笑，一班女人坐埋有乜傾？原來就係教吳大姐講廣東話。
吳大姐噚日一坐低就話自己快人快語，又唔識廣東話，只係識講句「冇問題」，再加句「多謝」，重馬上即場示範講一次㖭。之後閂埋門開會，繼續有香港名太教吳大姐講廣東話，令成場氣氛好開心，加上吳大姐為人風趣，成個會面笑個不停。
不過唔知係咪呢兩日都有曝光嘅關係，唐英年媽媽噚日對住記者唔肯再開口，開完會後笑笑口走人。
本報記者北京傳真
（圖）吳儀大姐（右）噚日見婦女界代表團，跟佢哋學講廣東話。
傳真︰2623-9278
電郵︰