家福道： <br>微波爐炸排骨脆卜卜

家福道：
微波爐炸排骨脆卜卜

一般所謂無火煮食都是用電爐或電磁爐，其實微波爐也可以作為煮食工具，13歲的敏兒利用微波爐，又煮又炸，炮製出兩款美味菜式，當中有肉有菜，菜式味道和食店的竟有九成相似。

記者：伍旋卓　攝影：陳盛臣

敏兒的母親由於工作關係，需要敏兒負責其中一頓晚飯，為安全起見，母親就教她用微波爐以無火煮食，不需食即食麵和罐頭那麼寡口，漸漸敏兒便愛上這種新一代的烹調法，不斷看書和嘗試，找出當中特別的技巧，將中菜的煮法融入微波爐煮食內。

滾油更易控制
由於細佬愛食排骨，敏兒就花了數個星期研究能否用微波爐炸排骨？結果發現用微波爐煮熱的滾油比用油鑊更易控制，而且炸排骨時油不會濺出，比明火安全很多，經母親同意下，就嘗試以微波爐去炸排骨，做出的排骨賣相同炸的分別不大，即使用作蘸排骨的酸甜醬也可用微波爐去炮製。

香又脆糖醋排骨
一般人根本沒想過用微波爐也可以炸排骨，做法簡單，而且亦好安全，其重點必須先將油加熱10分鐘，然後才放入排骨再加熱，效果與一般明火炸分別不大，既香又脆。

用咩料：排骨150克、雞粉1湯匙、鹽少許、油150克
醬汁料：紹酒1湯匙、糖1湯匙、黑米醋1湯匙、豉油1湯匙、生粉1湯匙、水適量
$6/2人份量

好易煮：

■1.排骨洗淨，加入雞粉及鹽醃約5分鐘，然後逐塊拍上生粉。微波爐器皿中放入油，以高火加熱12分鐘，放入排骨，以高火再加熱約2分鐘，直至排骨呈金黃色。

■2.用另一器皿加入醬汁料，以中火加熱1分鐘至凝成糊狀，取出，淋排骨面即可食用。

酸甜惹味翡翠白玉
翡翠白玉取材菠菜和大白菜一起煮成，是以大白菜卷住菠菜，再拌以酸甜汁同食，是一個老少咸宜的清爽菜式，茹素者亦好啱食。做法相當簡單，用微波爐炮製，唔使10分鐘搞掂。

用咩料：大白菜150克、菠菜150克
汁料：豉油3湯匙、黑米醋1湯匙、糖1湯匙、麻油1湯匙、鹽少許
$5/2人份量

好易煮：

試食報告：

■1.菠菜、大白菜洗淨，分別包上微波爐保鮮紙（保鮮紙上插幾個小孔），以高火分別煮約3及5分鐘，取出放淡鹽水中過冷河。

■2.取兩片大白菜葉，重叠攤成一大片，鋪上菠菜對摺，捲起，切約4厘米小段。汁料調勻，淋上白菜卷上便成。

■阿靖：菜式賣相靚，小朋友睇見都應該會鍾意。

■細佬：排骨又脆又香口，同用油鑊炸嘅分別唔大。

■敏兒：我以前唔多鍾意食菜，但自已做完個翡翠白玉，就開始鍾意食菜啦，原因係賣相較一般炒菜靚，味道酸甜，好醒胃。