梁詠琪（GiGi）昨日在港台接受《娛樂滿天星》訪問，她透露因檔期問題無緣參演由杜琪峯執導的電影《柔道龍虎榜》，她解釋說：「原本我預咗九月拍，點知個劇本同演員名單都未有，結果要延遲到十月中先開，但十月我又接咗爾冬陞另一部戲《絕世好賓》。」
GiGi續說：「好彩兩部戲都係中國星，而佢哋都好明白我唔可以同期兼兩部片，加上我又要去美加登台，所以經商量後拍唔成《柔道龍虎榜》，我都覺好可惜。」
由於GiGi十月初仍在美加登台，恐怕未能與男友鄭伊健慶祝十月四日的生日，她笑說：「咁咪走之前食飯囉，唔係點呀！」至於其男友日前表示自己是海洋大使，愛海如命，故不打算為女友安全着想互相換屋，GiGi聞言即說：「唔係話調就調，好大工程，我都係自然基金大使，我屋企都有狗、貓同花草樹木，所以我都唔會離開我屋企。」
採訪、攝影：馮美茵