好多人都鍾意食自助餐，貪其多選擇又可以同朋友邊吃邊慢慢聊天，但係有時食得多就會覺得啲食物來來去去都係嗰啲款毫無新意。想搵啲新意，不如試吓呢個以阿拉伯為主題嘅Buffet。該酒店嘅行政總廚曾經喺伊拉克開過酒店，所以學識煮正宗嘅阿拉伯菜。無論你鍾意食與否，試吓乜嘢叫做傳統嘅阿拉伯菜，開吓眼界都不失為一個好主意。
記者：李敏怡 攝影：黃子偉
當地人好鍾意用蜜糖嚟整甜品，好似呢道果仁酥餅，阿廚用咗飛佬皮包住果仁同砂糖，一層一層咁叠上去，再淋上蜜糖，食落去好鬆脆，重有好香嘅蜜糖味，喜歡食甜嘢嘅最啱。
阿拉伯菜嘅特色係會用好多唔同嘅香料，同埋會煮得好熟。好似呢幾味肉串就用咗春沙仁、小茴香等香料醃製。
電話：27312860
地址：尖沙嘴東麼地道70號海景嘉福酒店閣樓
自助餐時間：6:30pm-10:00pm
自助餐收費：成人$248?小童$148（星期一至四）
成人$268?小童$168（星期五至日、公眾假期及其前夕）