噚日有報道話民主黨核心人士向報章爆料，話佢哋已經同中央密使傾掂數，隨時攞番回鄉證返內地，八方睇見咁大新聞，梗係立刻周圍問民主黨議員，點知個個誓神劈願話冇呢件事，曾經因為粒荔枝冇咗張回鄉證嘅李華明劈頭一句話：「唔好問我，我真係冇攞番回鄉證。」
聽到肥仔言詞間好無奈，怕且唔會呃八方，之後曾經爆料話見過中央密使嘅嘅何俊仁都話，佢上次見嗰個密使冇講呢樣嘢，佢重好尷尬咁講：「有嘅話上次都講埋喇，點會留到今日。」至於其他密使有冇同其他人、甚至記者講，真係佢都唔知。
民主黨主席楊森就斬釘截鐵同八方講，佢同何俊仁最近冇見過密使，更加冇人叫佢哋上京，亦冇黨內兄弟同佢哋講見過密使，至於密使傳聞從何而來，目的何在，主席話佢都唔知喎。
傳真︰2623-9278
電郵︰