手表是內地同胞來港搶購三大目標，因為連稅在內地買一般會貴兩成。而講到手表銷量三甲，R記、O記自不然佔了其中兩個位置。買表要穩陣，當然要到印有AuthorizedDealer（官方認可零售商）的商店購買（有全球保養，買返中國大陸一樣保）。講到價錢，R記價位企得硬正，頂多攞到95折（部份表行、珠寶行有折，記得問多兩間！），分別不算太大；但以O記為例，尖沙嘴新開旗艦店有齊所有款式，包括其珠寶系列Bijoux及幾隻獨家表款，穩陣又方便，但頂多都係得95折，而到一般大型表行，一般都可以攞到7折，而部份更做到68折，以一隻$2萬元手表計，折扣可差約5,000元，夠你買多隻中價表都重得！