搞咗九個月、由港府中央政策組委託港大搞嘅「香港創意產業基線研究報告」終告完成，噚日開記者會，八方都去收吓料。
呢份報告總共羅列出本港十一大項創意工業，包括廣告、設計、數碼娛樂、電視及電台等，並列舉各項工業之數據、現況及前景。
八方身為傳媒中人，當然對關於新聞工作者嘅資料特別有興趣。據報告講，本港傳媒總共聘請六千一百四十四名編採員工，其中約百分之五十六係男性，大部份介乎二十五至四十四歲之間。報告亦有提及敝報母公司壹傳媒，認為係業內較成功之突出例子，乜嘢叫做「突出」？係捍衞新聞自由特別領先，定係反董出頭最力，暗示新聞界要小心槍打出頭鳥呢？八方都係當住佢讚先啦。
傳真︰2623-9278
電郵︰