紅酒添浪漫 纏綿五小時<br>超儀婚前破禁咀子聰

紅酒添浪漫 纏綿五小時
超儀婚前破禁咀子聰

賭王何鴻燊千金何超儀(Josie)與陳子聰將於十一月結婚,這對準新人早前為雜誌拍攝創刊號硬照,破禁在鏡頭前親熱互咀,難怪Josie亦揚言是空前絕後。

賭王何鴻燊千金何超儀與陳子聰早前為男士時裝雜誌《MbyMen'suno》拍攝硬照。鬼妹仔個性的Josie,一向對感情事好低調,在人前一直都保持距離,今次一對情人在鏡頭前破禁親熱錫嘴實屬罕見。

要影到最好
Josie與子聰穿上名牌YSL、MiuMiu新裝,在一間懷舊的小房拍攝,拍足五個小時,為求更投入,中途兩人更飲紅酒增加氣氛。
Josie昨日接受電話訪問表示親熱合照純粹無意之作,她說:「呢類相係好有紀念價值,要影到最好!其實我哋一直希望留番由日本好出名嘅攝影師LesileKee影,我哋先會肯影。不過今次係幫我stylist朋友,原定係唔會出現子聰嘅樣,不過冇更合適嘅人選囉!」

「拖手都好少」
Josie更表示這張接吻照將是史上唯一,她說:「我哋唔係第一次合作,不過,感情呢啲嘢好私人,我同子聰都係把口講得多,平時真係拖手都好少,其實唔想見報,我以後都唔會再幫人影嘢。」
距離婚期只餘兩個月,Josie依然工作不斷,九月底《豪情》上映,十月尾又要忙舞台劇,Josie說:「十月中重要出碟,因為今次係獨立製作,曲詞都有排搞,連封面都要我畫埋,最忙呢兩個月囉!」

何超儀與陳子聰於婚前為雜誌(圖)影接吻照,盡顯天生一對的默契。
圖片提供:《MbyMen'suno》

陳子聰一身城市型人打扮。

一向前衞的何超儀盡顯她百變造型的可塑性。