商台昨日在美麗華酒店舉行活動，到場的嘉賓包括有阿姐汪明荃、嘟嘟鄭裕玲、陳曉東等人，而Twins及Cookies亦不介意淪為大配角，於活動中擔任花女及侍應，當中以阿姐最為搶鏡，可惜她與嘟嘟合照時卻給葛民輝取笑是姐姐雞煲。
鄭裕玲及葛民輝昨日為商台「茶煲裏的查篤撐欣喜6周年——真欣喜生日會」擔任嘉賓主持，阿葛仍不失其搞笑本色，當阿姐、嘟嘟和查小欣三人合照時，他竟然說出：「佢哋三個可以話係姐、姐、姐雞煲。」
而當Cookies以女侍應打扮招待嘉賓時，阿葛又吩咐四人企位並說：「你哋四個要屎忽向西呀先得㗎。」令在場各人嘩然。
在大合照時，阿葛、何韻詩和陳文媛三人企於後排嬉戲，最後要由公關請他們歸隊。活動上還備有抽獎環節，其中包括數碼相機、鑽石頸鏈等，查小欣對此表示：「呢啲都係廣告商嘅一番心意，最貴嗰份禮物都只係幾千蚊。」而陳曉東昨日就電單車失竊一事繼續封嘴。
此外，以往曾傳出緋聞的陳慧珊和陳豪於合照時顯得有點生疏，但當張家輝到場時，陳慧珊立即上前與對方擁抱。
事後陳豪得知此事時即說：「嘩！我同佢一行埋已經俾人不停咁影，咁我當然會避忌啲啦，我都怕俾人寫。」
至於活動上打扮最為搶鏡的阿姐對於自己衣着表現得十分滿意，她說：「咁主人家話要有綠色打扮，我自己就最鍾意入面嗰件綠色Body，其實都係減價時買，咁着會新潮啲。」
相反嘟嘟昨日的打扮較為樸素，但她身上的首飾亦不遑多讓，其中的鑽石鏈墜已超過兩卡，她笑說：「咁阿姐搶鏡係應該嘅，佢每次出場都經過一番思考，我啲首飾可以話係唔搶之中嘅少少搶啦。」
採訪：陳梅香、李珮洳
攝影：仇志德、何國豪
