正所謂十八區「區區有睇頭」，香港地方名勝多不勝數，之但係有啲所謂名勝，連香港人自己都未必聽過。退休在即嘅中文大學校長金耀基噚日約會記者，公布十年校園擴建大計，其間愈講愈亢奮，無端端講到中大嘅園林美景，原來喺佢心目中，全香港至索嘅景點就喺中大裏面。
金耀基講緊嘅就係「天人合一亭」，佢話嗰度位於新亞書院，有個水池，又可鳥瞰吐露港，乃係香港第二奇景。
跟住佢反問在場記者，知唔知香港第一奇景喺邊度？記者一時答唔出，佢就表現得好風趣咁話：「其實係冇嘅！」學者即是學者，永遠都高深莫測。
（圖）金耀基（右二）噚日心情甚靚，話新亞書院嘅「天人合一亭」乃香港第二奇景。
傳真︰2623-9278
電郵︰