一百一十幾位女士，個個着到花枝招展見中央官員，場面何其壯觀！香港婦女界訪京團代表噚日喺北京見港澳辦副主任陳佐洱，佐洱兄作為萬紅叢中一點綠，起初似乎有啲慌失失，講咗句令人想入非非嘅說話。
佐洱兄句原話係咁嘅：「我第一次接待這麼多三位數的婦女！」三圍數？諗真啲，一百一十幾位女士，係講緊三位數字啫，之後佢再解釋，話覺得代表團咁多人好有代表性，在場人士先至鬆一口氣。
人紅果然冇得頂；要數噚日着得最醒神嘅，非唐英年媽媽莫屬，唐媽媽着住件豹紋衫，加條絲巾，配上米色短裙，真係豔壓全場；而坐喺團長范徐麗泰身邊嘅霍英東太太馮堅妮，就繼續貫徹佢低調嘅作風。
傳真︰2623-9278
電郵︰