林建名噚日去美麗華酒店出席「毓民棟篤笑之自求多福，少理老懵」嘅記者招待會，八方即刻追問有關佢架七人車被擄事件，佢就話當日係警方睇到張行車證之後通知佢，但係架車就已經燒咗。
大家於是問林建名知唔知架車牽涉到黑幫糾紛，又問佢有冇嚇親，佢就話完全唔知，自己都係睇新聞先知呢件事。林建名話架車嘅燕梳都未必賠得足，語氣似乎有多少肉痛，最後佢重慨歎話以後會做足預防措施，不過就覺得𠵱家嘅偷車賊好猖狂，可以喺三分鐘之內就解到你個鎖喎。
（圖）林建名覺得𠵱家啲偷車賊好猖狂，重話係睇新聞先知架車牽涉到黑幫糾紛。
傳真︰2623-9278
電郵︰