「唔打擊黑勢力　不如摺埋間舖」
同遭遇店東曾向特首求助

【本報訊】去年曾遭黑人物投擲燃燒彈勒索的元朗食店「潮光小廚」東主黎健潮，對於筲箕灣一家麵店疑因拒交「保護費」遭縱火，寄予無限同情，他昨日以「過來人」身份「教路」，「最重要是警方肯加強巡查打擊黑勢力，如果唔係不如『摺埋』間舖算啦！」他苦笑說，現時黑人物雖已銷聲匿迹，但市道不景生意慘淡，更指「𠵱家就算真係有黑幫嚟收保護費，我都冇錢畀啦！」

店外裝警員簽到簿
位於屏廈路塘坊村的「潮光小廚」，是黎先生去年六月與兩名友人合資二十四萬元在逆境創業的心血，可是開業數周便成為黑幫勒索對象，氣燄囂張的黑人物更投擲燃燒彈恐嚇燒舖，黎先生不甘屈服曾寫信向特首董建華求助，事件轟動全港。事隔一年，警方除增派人手巡邏外，更在店外安裝「簽到簿」，食店雖可「安安樂樂」營業，但生意仍不景。
黎先生昨晚談及自己的「反黑」經驗時仍甚氣憤，他說：「小市民響應政府創業自救，可是警方卻保護唔到我哋，令創業人士提心吊膽」。