年近四十歲的阿芳，丈夫月前病逝，遺下她與年僅四歲半、體弱多病的稚子明仔，目前寄居露宿者之家，兩口快要三餐不繼。
在香港國際社會服務社的社工轉介下，阿芳近日向本報求助。面容憔悴的她訴說：「露宿者之家只供留宿，規定各人每朝早十點前要離開，到夜晚六點後至可以返去宿舍；宿舍又冇地方煮食，所以我想慳慳哋買啲菜煮餐飯食都唔得。我冇能力租地方住，𠵱家手頭上只得二十幾蚊，同明仔惟有靠食麵包頂肚，真係好困難。」
阿芳的丈夫陳先生，原任職大廈看更，是家中經濟支柱。豈料陳先生月前證實罹患鼻咽癌，未幾與世長辭，遺下孤兒寡婦頓失所依，近日已到山窮水盡地步。「老公有咗個病之後，堅持日日返工，怕唔做工個仔就冇得食。老公過身之後，我同囝囝靠佢留低好少積蓄應付生活，𠵱家就快用晒啲錢，我哋都唔知點算！」
阿芳黯然稱，更不幸的是，兒子明仔自幼患腦積水，在鄉間缺乏適當治療，以致現時左手與左腳活動欠靈活，經常失去平衡而跌傷。「瑪麗醫院已經排期幫明仔做詳細身體檢查同治療，但我怕遲啲連同明仔搭車去醫院都冇錢！」病在兒身、痛在母心的阿芳，持雙程證留港照顧兒子，其個案一直由社工跟進與協助。
蘋果日報慈善基金了解阿芳母子的苦況後，即時撥款三千元，助她應付與兒子的短暫膳食生活費。
捐款編號﹕C1106
暖流熱線
電話：29908688
傳真：23702192
電郵：
網址：