昨日大雨滂沱，小初除咗上股票行炒股外，亦冇乜嘢好做。
小初睇住近期嘅心水股天地數碼（500），隻股公布業績蝕少咗，但股價牛皮，唔上唔落，小初心思思想加注。經紀陳有電話到，話天地數碼阿媽友利控股（419），好似會在收市後批股，叫小初睇定先至落注。
收市後，市場果然傳出友利先舊後新配股，每股0.03元，配售5億股。友利噚日股價下跌10.26%，收0.035元，但配售價仍有14.29%折讓。
不過，小初問過好多朋友，似乎唔係太多人有貨。經紀陳話，友利配股金額，成手貨都係講緊1500萬元咁大把，據講已經有炒家認頭接貨。
按以往友利配股後嘅表現，點都有一陣熱鬧，適合愛冒險嘅炒家短炒。
至於天地數碼，隻股公布業績仍然蝕錢，但就蝕少咗，故此股價企得硬淨，噚日升1.11%，收0.91元。傳聞公司好似有大動作跟尾，可以繼續留意。
慕容小初