秋天已至，在這浪漫的季節，令人聯想到《向左走·向右走》中的金城武同梁詠琪，二人踩着單車向着相反方向，緣份卻讓他們遇見。渴望此電影橋段發生在自己身上，其實並不難，只要你好似以下呢幾位朋友咁，成為單車車主，那浪漫的事情隨時在這個秋天發生。
記者：楊一凡 攝影：陳陶鈞、陳智良
Fai'sBicycle
把原價$7,800的德國紅Birdy，改裝成$16,800的快速摺車。(a)
Ning'sBicycle
ZoreBike$3,280，鋁合金車身只重8.1公斤（即一袋米重量），摺埋後只有25吋，屬全球最微型的摺車。(a)
喺《向左走·向右走》，金城武同Gigi都各有一部單車，單車專家夏先生估計金城武嗰架車係寶馬出產，特色係避震器由前輪位置移至膝頭位，令單車更易控制，而Gigi嗰架就係典型嘅買餸車。
要是你愛看日本雜誌，也會知道摺車在日本相當流行，香港向來激跟日本風，故此輕身、慳位易收藏、兼免卻被偷車之苦的摺車，亦成為後生仔玩意，就好似呢對單車情侶咁，一個玩改裝車，一個就擁有一部全球最細嘅摺車，夠晒巴閉。
Fai
綽號：改車王
專長：畀錢改車以及幫女友摺車
蒲點：同女友拍住踩
Ning
綽號：換車后
專長：換新款摺車，ZoreBike是第三架。
蒲點：住家左近的將軍澳單車徑
呢部限量版DahonHellosHH亦係Fai嘅收藏，全球限量300部，收入會捐去做慈善，貴得有意思。另一賣點是輕身，手掣用碳纖維；前輪14支鋼線，後輪16支鋼線，數目少即車身輕啦，車胎是Rolf出品，短小精悍，襟用。(a)
單車發燒友兼單車舖老闆嘅夏先生，每逢放假一定會約埋班朋友周圍踩，所以有咩新興嘅單車友蒲點佢就最清楚。佢話唔好睇香港好似好細咁，但係原來好多地方都適合踩單車，以下呢兩處地方係佢嘅心水推介。
唔使柴台住，雖然好多人都知道，但係你又知唔知呢條單車徑剛剛重新翻新，不但唔會好似以前咁踩吓又斷吓，重更加闊落。夏先生話由於大埔嘅單車舖唔算多，所以踩呢條路嘅人都唔會多得去邊，是值得一踩嘅路徑。
夏先生說東涌屬較冷門的踩單車地方，不用同人逼。以東薈城旁的順東路單車徑為起點，過天橋後再沿東涌道直走，便會見到第一個景點東涌炮台。之後再沿海踩，不久便會經過侯王宮，再過一段小路和散頭村屋，便會看到一棵三百多歲的大榕樹，亦即是到了終點沙螺灣了。
有無諗過踩單車的姿態，可以同睇電視一樣，斜挨住？又有冇想像過，手推車可跟單車相連，變溫情洋溢的子母車？冇！你太冇情趣啦，但悶蛋不是罪過，現在開開眼界也不算遲吖。
Max仔
綽號：師奶殺手（深得已婚親戚疼錫）
專長：扭計落街坐車車
蒲點：爸媽話事
車款：在國外較流行的Bell三輪拉車$1,800，可連住媽咪架買餸車，亦可拆成手推車，有時會借畀表姐旅行用作行李手推車。(a)
TREKR200$17,000
說是休閒速度也有40波，就算跟單車老手並駕齊驅，一樣無失威；車身由一條橫軸撐實，重心低，風阻相對低；另一賣點，當然是坐姿似坐斜挨梳化咁舒服。(a)
GiantRevive$3,980
造型雖不及TREKR200有型，但勝在經濟實惠，就連西裝人也啱踩，護鏈位防止車鏈勾爛鞋襪，座位後的文件架，亦適合上班族。(b)
爬山單車MTB行駛崎嶇不平的山路，所以最重視車身的避震功能，巿場上有前避震或前後避震，哪一款適合你，不妨依MTB的分類CrossCountry、Freeride、Downhill和Trial作決定。
GiantRincon$2,580
鋁合金車架，用606Extralight輕身料，密度低即無咁硬身，吸震力強；前避震，行車平穩，平路車速達30至40公里。(b)
玩X-Game嘅單車通常較重身，經得起頻密的跌撞和磨損。愛玩飛街的，會買較重身的鋼腳雞，而旨在原地花式的，當然要買輕巧的鋁腳雞啦，至於單車集物王就應該買架經典Laserlite珍藏吓。
傑仔
綽號：飛街王子
專長：連衝三排樓梯
嗜好：Fing車頭飛街
蒲點：京士柏道YMCA個X-Game場，入場費$15。
車款：HaroMirra$2,980，Mirra係X-Game之父，以父之名的單車。(a)
飛街王子另一推介是日本Kuwahara1983年生產的Laserlite，現在冇乜車會用這種粉藍，而細心看就連鏈餅等配件都用同色，絕配！座位冇軟墊亦是八十年代潮流標記，這個紀念版絕對值得收藏。(b)
a)旺角單車專業公司(23809868)
旺角通菜街180號地下(太子地鐵B出口)
b)天寶單車公司(23923863)
旺角通菜街152號閣樓
