○七年一人一票選特首，最近講到都好似有多少機會，「影子特首」、民建聯嘅曾鈺成喺大遊行後已一早出聲話支持，最近連成哥嘅師傅吳康民都話有得諗，可見形勢忽然「大好」。
八方於是問道於高人，佢話喺政制改革嘅問題上畀啲甜頭香港人，係老董最後可以提升民望嘅方法，所以一啲都唔覺得奇怪，因為按《基本法》規定，改變特首產生辦法，除咗要立法會三分之二議員通過，重要特首同意，所以老董目前可以攞分嘅方法惟有係向北京求救，點頭畀佢威番次。
高人話，就算畀你直選特首，都唔好太快高興，北京肯定喺提名上鎖死你，所以一定要取消埋八百人選委會，代之以立法會呢類有民意基礎嘅機構提名，或者會有真正嘅民選特首，否則第三屆特首候選人又係見嚟見去個幾個名。煲呔、余若薇、馬丁、鄭大班佢哋第一關都過唔到，有乜好玩啫。
傳真︰2623-9278
電郵︰