傅珮嘉的父母前晚專程到九龍灣捧女兒場，但傅珮嘉上台獻唱時，竟有陳文媛的fans走近兩人大叫「傅珮嘉食×屎」。不過傅珮嘉及其母事後都表示聽不到這些粗話，而陳文媛則相信歌迷不會做出如此惡行。
傅珮嘉、陳文媛（BoBo）、關心妍、古巨基、趙頌茹、E-Kids及葉文輝等，前晚在九龍灣國際展貿中心出席「新奇士‧加州陽光音樂會」，傅珮嘉的父母專程捧女兒場，不過傅珮嘉在台上獻唱時，竟有BoBo的fans走近其父母後面，以粗口大嗌「傅珮嘉食×屎」。
記者其後向傅珮嘉父母問及此事，傅媽媽以國語說：「聽不到，沒理由。」而傅珮嘉接受訪問時則說：「我聽唔到，因為我戴咗耳機，聽到呢件事都覺得好奇怪，因為我同BoBo都冇兩句，頭先喺後台都有講有笑。呢啲嘢冇得嬲嘅，實有人鍾意有人唔鍾意。」那麼她會否致電BoBo了解事件呢？傅珮嘉說：「唔會，黐線咩！」
BoBo前晚演出失準，唱第一首歌時唱片跳線要重唱，唱第二隻歌時又甩嘴，BoBo解釋說：「我條褲好鬆，插咗支咪好重，差啲甩褲，唱第一隻歌音樂有問題，第二隻歌又唔記得歌詞，好彩fans同我一齊唱先冇咁緊張。」
對於歌迷辱罵傅珮嘉，BoBo昨日在奧海城出席宣傳活動時說：「我同傅珮嘉唔係第一次同台，我唱完歌就走咗，我覺得fans冇必要咁做，我亦相信佢哋唔會咁做。」此外，E-Kids前晚表演期間，突然興起跳落台，對此他們說：「見到咁多fans支持好開心，想近距離接觸佢哋先跳落台。」E-Kids亦表示不容許fans講粗口，更試過鬧到fans喊。
採訪、攝影：王崇穎
