「中國時代十大新聞人物」噚日喺北京人民大會堂揭曉，我哋香港都唔輸蝕，有一人入選，佢就係志成國際集團董事長計佑銘。呢個名喺一般市民心目中可能唔係好響，但喺本地土共圈子當中，如果你唔識佢，就真係好打極有限。
計佑銘嘅崛起可以話係回歸前中英鬥爭嘅結果，因為計生佢成日喺左報寫文批評港英，同新華社（即今日中聯辦）好friend，最後中方另起爐灶，成立特區籌委會時，都預埋計生一份，回歸後更投桃報李，畀佢做埋全國政協委員。佢嘅生意亦不斷擴大，多年來對內地捐款亦達到六千多萬元。計生當選全國十大新聞人物，可能會有人覺得奇怪，但有時啲新聞人物唔係在於多新聞，佢本身當選已經係一個新聞。
（圖）全國政協委員計佑銘（中）入選「中國時代十大新聞人物」。
傳真︰2623-9278
電郵︰