西鐵通車日期一延再延，噚日重講到今年都未必有得搭。八方忽然諗起蘇澤光早前一番話。呢位電盈新舵手，雖然離開咗地鐵，但對交通運輸事務仍然好有睇法。
蘇澤光話，得就一定要開，邊有一個系統係十全十美百分百至用？況且有啲問題要啟用後始會發現，先至可以修正；例如架車坐滿人同坐幾個人，就好唔同。如果有小小問題又延期，咁就好難搞。
證諸將軍澳線，以至新機場，啟用初期都有混亂，但後來亦順利克服困難。八方唔知西鐵問題係咪好大，只知楊啟彥好想見到條鐵路通車至退休。班地產商亦好想條路快啲通，啲樓快啲賣；至於新界西北市民，就更加係望穿秋水了。
傳真︰2623-9278
電郵︰