大學界近日牙痛咁聲，話政府削資源，令到佢哋教學研究都受到影響，但作為本港貴族大學嘅香港大學，就一啲都唔窮。八方聽聞港大醫學院好大手筆，近日請咗好多傳媒去北京，包食包住，採訪「二○○三年中國生物工程與醫藥產業國際發展大會」，為做PR，一擲萬金在所不惜，睇嚟納稅人嘅錢用得好其所。
《蘋果》就當然冇份去，位公關大員好理直氣壯咁話，因為《蘋果》唔返得去大陸採訪喎。八方覺得好奇怪，港大作為用特區公帑資助嘅大學，幾時管埋大陸嘅採訪政策？最離奇嘅係，有啲好似《蘋果》咁俾港大遺忘咗嘅傳媒，明明有記者喺北京，想去旁聽會議；又或者退而求其次，之後問番有啲乜嘢料啦，醫學院位公關都耍手擰頭，話係幾個行家小圍嘢，唔方便講。估唔到港大嘅新聞封鎖，重緊要過內地。
傳真︰2623-9278
電郵︰