政府日日叫人去接受持續教育，教統局常秘羅范椒芬（圖）以身作則，去咗中大讀教育碩士兼讀課程，真係令八方佩服，當然有行家認為佢已經身在高位先至進修，好似遲咗啲，但民政事務局嘅常秘李麗娟就好讚賞呢位老友。
媽打話，羅范為咗去進修，所有晚上嘅應酬都被迫謝絕；而佢就唔可能咁做，因為民政嘅其中一項重要任務就係要同市民打交道，應酬少不了。
所以媽打叠埋心水，等退休先至再讀書。唔講唔知，李麗娟對教育嘅興趣好大，曾經自告奮勇要去做教育工作，後來梗係冇成事啦。
佢話畀八方聽，已經攞晒澳洲、加拿大同倫敦嘅資料，一退下火線，就去讀以英文作為第二語文嘅教育課程，然後再回港做義工。
傳真︰2623-9278
電郵︰