退出江湖嘅神童鄺其志同人氣鼎盛嘅立法會議員余若薇，噚日喺商台正式開咪，一個係官場老手，一個係政壇新星，請咗幾個中學生一齊評論時事，算有新鮮感。
鄺其志噚日愈講愈放，尤其談及23條問題時，明嘲暗寸老董同一班高官，不知幾過癮。佢話董建華宣布撤回國安法草案當日，企喺側邊嘅保安局局長李少光「未見過佢塊面咁苦瓜乾」，之後又指事件反映所謂問責高官，其實都唔知自己可以做幾多決定，局長呢頭講一套，特首喺另一頭原來已經做另一套。
神童同余若薇成個節目唱雙簧，左一句民建聯老早提醒市民23條會撤回，右一句董政府呢鋪「無招勝有招」，當事人少啲胸襟都可能聽到爆血管。
傳真︰2623-9278
電郵︰