昨日花旗集團主辦國際業餘冰上曲棍球比賽上，合和主席哥頓胡應湘位公子胡文新都有落場參賽。着住三號球衣嘅小哥頓負責防守，咪睇佢平日斯斯文文，原來身手一點不賴。昨日有六隊參賽，香港及日本各派兩隊，另外澳門同菲律賓各一隊。八方冇睇到尾，臨走時見到香港同日本四隊人馬都打入四強。
小哥頓賽前同八方講，之前喺美國要顧住讀書，所以都係返到香港先開始玩，玩咗三年，佢話香港適合玩冰球的地方唔多。咁有冇諗過喺合和嘅船街項目搞吓冰球呢？佢話冇諗過，但就曾經同民政事務局局長何志平提議搞多啲冰球活動，何局長同佢講，考慮緊喺將軍澳設兩個室內溜冰場，到時大可以玩埋冰曲。
傳真︰2623-9278
電郵︰