華員會噚日搞咗個公務員霍英東盃網球賽頒獎禮，除咗主禮嘉賓小霍霍震霆外，會長蘇肖娟、副會長黃河等就梗要喺度，但八方竟然發現警務處副處長李明逵都在座，一問之下原來今屆警隊好威，拎到個團體大獎，李明逵特登為同袍打氣。
有記者見到佢同班網球友講波經，問佢乜唔係淨係鍾意打羽毛球咩？李明逵立刻笑記者記錯，話鍾意打羽毛球嗰個係一哥曾蔭培，佢打網球已經打咗成十年，重有網球教練牌，平日有時間都會教吓警隊同袍嘅小朋友打吓網球，難怪頒獎禮一完，成班得獎警隊同袍立刻走埋去搵佢影相！
（圖）李明逵（左二）、蘇肖娟（左）及黃河（右二）同警隊得獎者開開心心影大合照。黃賢創攝
傳真︰2623-9278
電郵︰