戲假車真：<br>《天羅盜網》迷你版挑戰地鐵輸馬鼻

戲假車真：
《天羅盜網》迷你版挑戰地鐵輸馬鼻

有睇過《天羅盜網》嘅朋友，一定被電影內的MiniCooper追逐場面吸引住，但要喺香港這個「彈丸之地」做番電影裏面的極速飛車情景，又唔一定係sayno嘅！加點心思一樣玩得有趣同過癮，有Mini中嘅Mini之稱嘅MiniCooper迷你遙控車絕對可將電影內的飛車片段活現眼前。

記者：何善華　攝影：梁細權、伍慶泉
Models：Lily、Cecilia（Imagine）
鳴謝：派拉蒙電影公司提供《天羅盜網》劇照

模仿電影場景一樣掂
MiniCooper當然唔可以喺銅鑼灣、旺角等地四圍走，所以要學足《天羅盜網》就要揀啱好地方，盡情飆車！卒之搵到九龍城嘅賈炳達道公園和九龍寨城公園係適合MiniCooper迷飛車的勝地，多彎位之餘路面又崎嶇，百分百考驗Mini的耐力和韌力。


第一幕：商場飆車最瘋狂
相似度80%



第二幕：滾落樓梯戥餐懵
相似度60%

■首先喺九龍城廣場門口warmup先，擺呢個pose一啲都難唔倒MiniCooper，同電影內嘅畫面似到十足。

■呢幕係講三輛MiniCooper在鬧市中穿插一輪後，「轉軚」駛回地鐵站，在某個商場門外掠過。講真，要做番呢幕認真easyjob啦！



第三幕：Mini鬥快入軌
相似度95%

■駛到去寨城公園，由於公園內有太多樓梯，迫不得已都要照樣駛落去，不過MiniCooper出名輕盈，話咁快就過到關啦！

■三架型爆MiniCooper到達地鐵站，二話不說就衝落樓梯。由於電影內這三輛MiniCooper已改裝到十分輕巧，成架車都減晒磅，「戥」一兩下又點會有事吖！



第四幕：極速挑戰70°大斜坡
相似度90%

■喺月台同架列車鬥快，雖然唔及得電影入面，三輛MiniCooper都快過班列車，但遙控MiniCooper都只不過係輸一個馬鼻，有晒交代啦！

■駛到月台，MiniCooper重要同列車鬥快，趁未埋站要駛入去軌道內，真係電光石火的「非常」行動。



勁買推介！！！

■最後一個難度甚高的場面，傾斜度接近70度的大斜坡，MiniCooper要用極速先可以「打橫」飆過呢度，但現場無乜沙塵，做唔到電影裏面的逼真效果。

■追逐戲一浪接一浪，前有歪斜山丘，後有灰塵加山坡，少一點能耐就差點給敵人活捉啦，開盡油門衝呀……

$450買到電影版Mini
想真真正正擁有《天羅盜網》裏面的MiniCooper，𠵱家已經有得買啦！當然唔係真嗰架啦！紅色遙控MiniCooper最近推出市面，1：10設計，跟電影內的紅色MiniCooper一模一樣，只係賣$450，重唔快手買返屋企，砌完之後就可以去飛車啦！

創昇模型店
地點：旺角廣華街2號

手表遙控Mini中嘅Mini
1：10的遙控MiniCooper未算細，再迷你嘅重有！呢架1：32的黃色MiniCooper，內置電子遙控器，透過電動手表可以近距離遙控MiniCooper。此外，MiniCooper亦可作擺設之用，有1：24至1：32選擇，體形大細任揀。

JCShop
地址：銅鑼灣時代廣場833號舖
電話：31022783

■電子表遙控車$338

錦繡鬥車場鍊車勝地
香港有好多鬥車場，有高台、凹凸鐵板唔同難度挑戰你嘅駕駛技術，EGR就係其中一個聚集各大小mini迷的遙控車場，$90全日任玩，正！

EGR錦繡遙控賽車場
地點：錦繡花園大生圍（神樂園牛奶廠直入）
電話：24829294
開放時間：11:00am-2:00am（周一至五）、10:00am-2:00am（周六）、10:00am-8:00pm（周日）
備註：入場費每位$90，全日任玩；贊助模型公司代理車輛全日$70
交通：上水火車站乘搭前往錦繡花園的專車，於錦繡花園第一站落車，沿着神樂園牛奶廠直入步行約10分鐘。