草蜢、蟋蟀、甲蟲、變色龍、蟒蛇……不少港人喜愛餵養奇怪的寵物，二十六歲的Pal是其中之一。「你睇吓佢哋幾可愛，尤其係對眼呀！」Pal說的並非寵物貓狗，而是十多條蜥蜴。他邊說邊將一條條眼眶突出、皮膚凹凸不平的另類寵物放在手上摸完又摸，「有時連我女朋友都話我淨係掛住埋佢哋。」
這一段另類寵物緣份始於兩年前，從事設計的Pal路經寵物店，吸引他目光的是一條外形可怕的蜥蜴，「好得意，同埋我鍾意佢哋生命力強！」幼時父親曾給他一隻烏龜，一日突然不見，一年後竟然在沙發下出現：「重大隻咗！所以生命力強嘅生物好叻。」
他付出二百元將蜥蜴帶回家，愈接近牠們便愈愛，「睇書同上網，知道蜥蜴有好多種，壁虎都係其中一種；佢哋好靚㗎，有白色、粉紅色，重有變色龍。」
高峯期他飼養了逾二十條蜥蜴，最貴的一條值二千多元，是「納米比亞」種；他現時與十條蜥蜴共居一室，每日以蟋蟀及維化命粉餵飼。
體內基因出錯導致身體變成粉紅色的「暴風雪」是Pal的至愛，「呢兩隻係佢哋生嘅蛋。」他將指頭般大的蛋放在膠箱內，再收藏在儲物櫃內，「希望高溫啲會孵出蜥蜴仔。」
他曾養蛇，但被咬了一口後，雖不會終身怕繩索，但不再養了；現時「蜥蜴成日咬我」，但卻不減寵愛。
本報記者
