七十一歲的林伯，雖然已經一把年紀，但仍然熱中於義務工作，善用餘暇。「冇所謂啦，幫到人，自己又歡喜，好多老人家都好慘㗎，身體重差過我，唔行得，唔走得，有人探吓佢哋會開心好多。」林伯喜與記者分享做義工的心得。
這位長者義工也有需要別人幫助的時候。「最近屋企部電視壞咗，自己又冇能力買過部新嘅，所以希望有人捐畀我。」林伯衷心地說。
獨居的林伯，從事五金工作數十年，自六、七年前開始，因為工廠陸續北移，加上他年紀漸大，失業後一直找不到新工作，林伯被迫退休，靠綜援過活。「𠵱家我份綜援，每日大約有七十蚊使費，老實講，老人家慳慳哋，三餐都唔怕餓親，但要儲錢就冇可能囉，更何況要買咁貴嘅電器。」
林伯家裏的電視機已有六、七年歷史，數月前開始失靈，出現「有聲冇畫」的情況。
沒有電視機的日子，他只能靠看報紙及聽收音機接收資訊，打發時間。「我平日最鍾意睇新聞同時事節目，日頭重可以去社區中心睇，不過，夜晚就冇辦法，悶啲囉！」善長的慷慨捐助，可達成林伯的心願，改善其生活條件。
捐款編號：C1105
暖流熱線
電話：29908688
傳真：23702192
電郵：
網址：