雖然噚日係公眾假期，但係民政事務局局長何志平一早去完石澳執垃圾，又要去意大利節2003主持開幕。何局長好識做咁盛讚意大利文化，佢除咗欣賞意大利歌劇之餘，更愛食意大利粉，尤其是長條形意大利雲吞，不過老婆大人胡慧中就唔識煮。
朝早勞動完，下晝就請記者食雪糕月餅，何局長都知自己要減肥，所以美食當前，都只係食咗四分一件，不過就連牙籤都舔乾淨。佢又主動餵個女記者食月餅，完全唔驚靚老婆詐型。
八方問何局長中秋佳節有冇時間團圓賞月，佢好開心咁話：「我攬住個女過中秋，佢玩卡通公仔膠燈籠，有聲，不過𠵱家啲燈籠好嘈。」佢最鍾情五仁、欖仁月餅，蓮蓉月餅就嫌太甜嘞。
（圖）有何志平餵食月餅，女記者笑得好開心喎！
傳真︰2623-9278
電郵︰