手袋、腰袋、斜孭袋，袋絕對是出街必備物品。而近年的時裝潮流，袋更佔有重要的地位，尤其一個名牌袋，分分鐘貴過你全身衣着。今日街頭直擊型人帶乜袋，發現原來香港的男女生，真係至愛東瀛風，跟到足膊頭孭個方便實用的購物袋就出街。即睇街頭型人靚袋榜，話你知邊款、邊個牌子最Hit，不妨作為秋季入貨指標！
記者：梁珮瑜 攝影：周旭文
ShoppingBag
其實Shoppingbag都唔係第一日興，跨越幾季後今季依然當Hit！直擊今季日本或香港街頭，潮人心水依然係Shoppingbag。無論長方或正方形，乜都放晒入去好實用，不過Pattern就好有講究。至於孭上肩就必定係指定動作，方便又型仔。
LV
不論潮流點變，LouisVuitton永遠是至愛，成為街頭名牌熱袋至Hit品牌。而簡約方便的MonogramSpeedy款，仍然穩佔女士至愛的頭位。
Ape仍然不死，你話佢人氣回落咩，事實又很多人繼續愛。尤其女生至愛的Bapy，經常現身街頭。
男生今季持續大袋潮，大大個袋要斜孭先至型，絕對避免細細個袋仔孭上身。
（a）私物店（23148988）
（b）LowBClub（23674487）
