度中秋怕咗熱情觀眾
城城同河利秀親熱：為藝術犧牲

郭富城和關心妍等前晚中秋節要到沙田表演。早前河利秀表示欲與城城合演電視劇，城城回應說覺得對方頗漂亮，更不介意她曾變性，若要拍親熱戲，他會抱着「為藝術犧牲」的心情去做。

郭富城、李克勤、關心妍、Cookies、EO2及陳文媛等前晚在沙田運動場錄影《沙田圓月樂安居》節目，眾星在台上大玩遊戲及猜燈謎，蕭正楠及EO2成員均大耍茅招。而關心妍玩遊戲時顯得甚不投入，到最後派發月餅給現場觀眾時，城城及Cookies等又因看見觀眾太過熱情而卻步，最後只有EO2數人落台派月餅。

「覺得佢好靚」
城城接受訪問時，被問到早前河利秀及張娜拉都分別表示想與他合作，城城表示有人讚當然高興，但因為電影檔期已排到年尾，恐怕無緣與河利秀合拍電視劇。
問城城會否因河利秀曾變性覺得尷尬，他說：「我唔會咁諗，睇佢嘅相都覺佢好靚，睇報紙先知佢性別，藝員合作都係由公司決定啦，我會以平常心態去溝通。」

「唔做電燈膽」
問城城會否介意與河利秀拍親熱鏡頭，他說：「冇諗咁長遠，好似哥哥同梁朝偉咁，導演要佢哋拍親熱戲，佢哋都要為藝術犧牲。」城城表示前晚中秋節，演出完畢會趕回家與母親吃飯。
此外，關心妍昨日在屯門出席《中秋樂動心妍》活動，她表示前晚完騷後返家一個人過，她說：「我啲朋友約我去沙灘賞月，但佢哋會一雙一對，我費事做電燈膽啦。」
採訪：李珮洳、汪正文
攝影：陳慧安