上京見領導嘅團體真係愈來愈多，好似噚日咁，中聯辦陳鳳英就帶咗一百一十幾個婦女上京，準備星期二見領導，咪以為冇乜領導會見佢哋，佢哋今次就可以見到一樣係女性嘅國務院副總理吳儀，重高級過梁振英下星期上京見嘅唐家璇。
呢班女士都算巴閉，好似財神唐英年媽媽唐尤淑圻同范徐麗泰都係團員，不過兩位太太噚日都未喺京城蒲頭，應該要等到星期日晚先飛上去。其他百幾位女士呢兩日節目都好豐富，除咗見統戰部部長劉延東（咁啱都係女人），重會落天津走番轉，話要去睇天津經濟開發區喎！不過計八方話，佢哋嘅經濟開發區應該係喺名店林立嘅王府井先啱喎！
（圖）一百一十多名女士噚日上京面聖。
傳真︰2623-9278
電郵︰