日前講過「糖王」郭鶴年（圖）到新加坡福州會館演講，今次講下集；但唔係八方有機會親身聆聽，只係睇《聯合早報》引述郭老嘅說法啫。
據報道，郭老話一千個商人中，真正成功的可能不到十個，或者二十個；有時候要靠運氣及天份。佢話自己好幸運，因為出道當年有貴人相助，其恩人就係泰國盤谷銀行創辦人陳弼臣。可惜，郭老好似冇講陳老當年如何幫佢。
郭老生命中另一個最重要及最尊重的人則係母親鄭格如，因為她最樂善好施。郭老認為，可能她積下的德，讓全家有這樣的福氣。
在港生活了二十多年的郭老說，香港應該是全世界最有自由企業精神的地方。至於在內地做生意，他說人事上的問題最煩心。郭老說，有一次忍不住，對中國的一個部長講，「我們海外的華商是講道理的，但（國內）裏面的一些人卻很野蠻。」
至於做生意，郭老認為除咗要講天份，更要如成吉思汗打仗般，將大部份奪得的珠寶分給賣命的將軍，待他們有如兄弟姊妹，才可招攬及留住人才。
傳真︰2623-9278
電郵︰