「發生呢場悲劇之前，我都唔相信一場大廈火災可以死咁多人。」那天下午他還在接待內地來港考察的消防單位，同事通知他嘉利大火已升為四級，他就穿上戎裝救火去了。
大廈低層一團火，高層一團火，當時擔任新界區消防總長的郭晶強說：「我從來未見過啲火咁樣燒法，我心諗，上下都係火，點救？」他與一眾消防員乘雲梯登入嘉利十三樓，搜索失蹤者。
「入面好熱，我睇到幾個屍體……已經唔係屍體，得番幾嚿骨，我好無奈，可以做啲乜？」他說救人是消防員的天職，但那些人已經燒得不再是人，都化成灰燼了，他想救，但是救甚麼呢？
浩劫之後，政府修改法例加強商業大廈的消防安全系統，嘉利大火更成為世界上消防工業廣泛研習的案例。郭晶強說，嘉利大火是香港消防史上一個里程碑，「太平盛世，冇人會理呢啲嘢，要一場大火，社會先至警醒，代價係幾十條人命。」嘉利重建了，他希望噩夢可以消失，「但係我哋仍然要警惕，火災威脅永遠都會存在。」