昨日係9.11兩周年，原來同時係立法會議員余若薇生日，不過佢依舊不忘工作，同班專業界見老董，不過佢就一身黑衫，怕且阿董估唔到壽星女着到成身黑，重以為有心攞景，梗冇祝佢生日快樂！
有民主派中人同八方講，其實余若薇自當選以來民望已經好高，7.1大遊行後，知名度更加大幅上升，八方聽聞7.1前民主黨內部對現任立法會議員做過一個民調，發現余大狀支持度過晒李柱銘同楊森，7.1之後就更加唔使講。
其實除咗余若薇之外，另一位7.1大遊行搞手，民間人權陣線發言人蔡耀昌都係9.11生日。有民主派人士講笑，7.1直頭係老董政權的9.11災難，五十萬人撞到成個問責班子散晒，余若薇同蔡耀昌同係9.11生日，真係剋住老董。
傳真︰2623-9278
電郵︰