當市民大眾噚日下晝急於做埋啲手尾，趕回家過節之時，老董就安排咗中秋節下午兩點十五分同班專業人士會面，聽取意見，認真大殺風景。
老董咁急，除咗要跟住北京步伐外，原來佢老哥終於肯放假，但係非常騎呢，星期六至下周一放三日；周二上午返一返工，又再放假到周四，問特首辦點解要咁？原來周二上午要會見到訪嘅德國總統。
不過老董放幾日假，就要勞動煲呔曾、梁愛詩同唐英年三個人接力署理特首。老董一走，就由煲呔頂上，但下周二煲呔會啟程去美國，而唐英年就到周三先從墨西哥返港，咁即係周二要搵梁愛詩做一日特首頂住。
唐公子好快就可過吓兩日特首癮了。八方心諗，署理特首媽媽唐老太嗰兩日一定開心到合不攏嘴。
傳真︰2623-9278
電郵︰