RPG玩法基本上好靜態，打成晚都唔會有乜大動作，盞俾阿媽鬧自閉。RPG名牌《勇者鬥惡龍》就推出一款新作，名為《劍神DQ》，雖然並非系列真正續篇，不過就以體感玩法作招徠，即係要將成套體感工具拎上手，見嘢就劈，要煲成晚LV肯定手軟。咁嘅玩法的確零舍有英雄感，兼且可以當運動一番，出身汗後包保成個精神晒，絕對係寓打機於運動，阿媽見到都唔會鬧喇啩？
雖然《劍神DQ》要到9月19日先見街，不過SQUAREENIX喺日本各地Game舖，率先畀機迷實地試玩，反應同口碑都唔錯，話唔定遲啲重有機會學《FF7》嘅古蘭特咁，拎住大劍同神羅組織決一死戰。
記者：徐影龍
相關網址：
