中央政策組首席顧問劉兆佳為人出名樂觀，當日毅然加入特區政府做老董嘅智囊，都係抱住學而優則仕嘅心態，但係官場之複雜，老董之固執，又豈劉秀才可預計。
八方聽聞，自從佳叔進入董內閣核心之後，已經常常甩底，答應咗出席飯局，最後往往都係去唔到，要講對唔住；久而久之，大家就再唔敢預佢，當然八方明白佳叔並非有心，乃名副其實嘅身不由己，你知老董幾長氣同幾心急㗎啦。
不過，八方最為佳叔不值嘅係，雖然佢阿叔如此盡心盡力、隨傳隨到，但係個背脊都俾人插到花晒，7.1五十萬人上街賴晒佢預見力差，其實佳叔係最早提出中產有怨氣嘅學者，而且老董玩集體領導，點解要佳叔一人揹晒？
如此只識卸膊嘅官場，八方勸佳叔不如早些歸去，重返大學，論政好了。
（圖）劉兆佳做咗阿董智囊，孭晒7.1隻大黑鑊。
傳真︰2623-9278
電郵︰