林曉峰太太康子妮昨日中秋節入院開刀產子，誕下兒子林寶，首次榮升老竇的林曉峰笑言BB夠旺，令他可以踢走曾志偉，搶拍下年月餅廣告，而林珊珊則指BB與林曉峰一樣，十分多毛。
林曉峰（阿Lo）太太康子妮於昨午二時許在跑馬地養和醫院開刀產子，成功誕下愛兒林寶，阿Lo全程陪伴在旁，為BB拍攝DV及用錄音機錄低BB的哭聲，而阿Lo胞姊林珊珊、鄭伊健及車婉婉亦有到醫院探望。
林寶體重六磅十五安士，全長五十厘米，在阿Lo眼中兒子就像魷魚一樣，剛榮升父親的他昨日傍晚在醫院高興地說：「我全程睇住開刀，佢一出世就好似魷魚咁！」阿Lo又從袋裏掏出錄音機，把愛兒被拍屁股後所發出的第一聲哭聲播給記者聽。
那麼阿Lo會否為兒子算命？他說：「唔使算啦，我唔信嘅，本來預產期係呢個月二十幾號，因為老婆怕痛，一早就預咗開刀，我哋就問個醫生幾時得閒，咁啱佢話今日得閒，就揀今日囉，一切由醫生決定，醫生話乜就乜啦。」
林寶在中秋節出世，阿Lo覺得兒子十分旺他，他說：「志偉咪拍奇華廣告嘅，嗰個老闆知我個仔今日出世，佢話咁以後中秋嘅廣告搵你拍啦，我聽到有開心亦有唔開心，因為志偉俾人踢走。」
阿Lo表示林寶的意思是林家寶貝，將來再有兒女的話，可改名為林「骨」、林「肉」，如果BB不聽話，就叫他做林「油」。阿Lo又稱因太太仍感腹痛，加上人較腫，所以未能拍照，他笑說：「佢生完成個pizza咁，叫佢影相實殺咗我。」而康子妮暫定會在下周四出院。
榮升為大姑媽的林珊珊指林寶與小時的阿Lo十分相似，有如毛孩般，額頭好多毛，未知伊健及車婉婉會否做林寶的契爺契媽？林珊珊說：「𠵱家人數重點算緊，阿Sa、阿嬌、Joey（容祖兒）、伊健、婉婉同啲圈外朋友，個個都話要契，等啲契爺契媽畀錢擺酒啦。」
採訪、攝影：楊潔雯