滾石因為沙士取消來港演出，估唔到咁快又有得睇；今次由美國商會主辦嘅「維港巨星匯」，除咗滾石之外，重有好多猛人，而地點就選咗喺添馬艦。
有人質疑添馬艦容納太少人，不合乎經濟原則；一向幽默嘅投資推廣署署長盧維思，講笑咁同記者解釋，唔揀香港大球場，係因為「巨星匯」會有電視轉播到美國同其他地方，但喺跑馬地卻見到墳場，無理由叫啲外國遊客「cometoHongKonganddie」嘛！而添馬艦就唔同喇，有靚絕嘅海景之餘，旁邊就係香港地標，到時有一萬三千人在電視鏡頭前揮手歡笑，宣傳效果一流啦！
傳真︰2623-9278
電郵︰