有荷李活四方果之稱嘅美妮哉花（MinnieDriver），近年電影事業一沉不起，得閒只係客串吓電視劇同舞台劇，人氣已經跌至谷底。不過最近英國連鎖服裝店Principles，搵咗美妮同埋佢做電影監製嘅家姐姬蒂（Kate）合作，拍咗個○三年秋冬季廣告，不過美妮一拍埋家姐度，即刻好似佢件衫一樣咁暗淡無光，反而做幕後嘅姬蒂個樣夠晒甜，似乎比阿妹更有星味㖭。