中文大學今年本來計劃大事慶祝四十周年校慶,點知撞正沙士,好多大型嘅國際活動都冇法舉行,反而全中大上下要為打沙士而忙。
沙士過後,現在終於恢復正常。頭炮「四十周年校慶博覽會」九月二十日星期六喺中大校園林蔭大道舉行,老董之友鄭維健會以中大校董會候任主席嘅身份出席,大學教資會主席林李翹如當然係上賓,金耀基校長重會就「全球化與大學之定位」發表演說,聽聞嗰晚重有音樂會作為獻禮。
由九月下旬到十月會舉行連串嘅公開講座,由傑出校友同老師主講,第一位講者係中大威水校友數學大師丘成桐,講吓佢嘅心路歷程;重有作家小思、漫畫家尊子以及劉兆佳。重頭戲會係十二月六日假會展舉行嘅大型晚宴,餐券每位六百大元,搵夠十二個校友訂一圍,每席重會送支紅酒㖭。
(圖)鄭維健會以中大校董會候任主席嘅身份出席校慶博覽會。
傳真︰2623-9278
電郵︰