呢個9月真係開片嘅天下，好似剛推出嘅《Drag-OnDragoon》打餐飽，而下星期Capcom隻《MAXIMO2》又係Sell群揪，到月尾隻《真．三國無雙3：猛將伝》就更加唔使講。《高達：相逢宇宙篇》限定版終於回落到$1,400左右，不過普通版就大水浸，現時只係$340-$370度，相信遲吓三百頭已經有交易。而鍾意高達嘅朋友，月尾25號又有隻SUNRISE《英雄潭：SUNRISEWORLDWAR》，不過睇真遊戲設定真係麻麻，相信要死忠Fans先會有興趣。
據消息稱，任天堂將會喺香港有宣傳搞作，所以近排好多賣老翻GBA帶嘅舖頭亦被密密掃蕩。至於GC《牧場物語》亦已見街，隻Game日本評分甚高，玩開GBA版不妨考慮升級玩GC版，市價約$380左右。
文：打機鐵人