陳奕迅（Eason）、林憶蓮和倫永亮等前晚到土瓜灣為昨晚有份演出的「繼續張國榮慈善音樂會」排練，Eason表示日前才由新西蘭登台返港，亦曾慰問梅艷芳。
提到早前有報道指Eason拍戲時失常、反白眼和以棍襲擊武師，他不屑地說：「我返嚟咪要去睇個武師囉，睇吓佢有冇事。」後來他又解釋說：「我扑佢梗係劇情需要啦，我攞支棍好重，都怕有危險，導演叫我打佢上五吋下五吋，點知我打中佢膝頭。」
Eason續說：「我𠵱家知做表情唔可以太誇張、唔可以反白眼，否則就係失常，我怕社會福利署、消防局同警察會嚟拉我呀。」提到陳曉東被指無牌駕駛電單車一事，Eason說：「我冇睇篇報道，佢唔會嘅，佢點會咁夠膽。」
採訪、攝影：胡比