今晚同屋企人做完節食完飯後，不如去逛吓商場幫手振興香港經濟，再順便欣賞一連串富節日氣息嘅表演。今晚喺海港城除咗有中樂、粵劇、雜技等表演外，喺露天廣場重有各種攤位等住你，吃喝玩樂之餘，購物滿$200重可以換領由香港旅遊發展局送出嘅燈籠一個。
地點：海港城露天廣場II及III
時間：8:00pm至10:00pm
唔係淨係維園先有綵燈睇，家住九龍新界唔想過海咁山長水遠，去尖嘴文化中心一樣有得睇。今晚喺文化中心廣場會有大型綵燈展覽，單看展品名字已覺無限詩意，不但有一道「緣月彩橋」跨越仙凡兩界，重有逾十米高嘅「蓮臺秋色」綵燈互相「照住」，更加意想不到嘅係，展覽重會將嫦娥奔月呢個傳說重現大家眼前。
地點：香港文化中心廣場
亮燈時間：6:30pm至11:30pm
喺中秋節，小朋友除咗玩燈籠之外，重有咩新搞作？不如去同木偶一齊玩遊戲啦。今晚喺時代廣場食通天，同班小皇帝食完飯後，即場有三個來自「偶友街作」木偶劇團嘅小木偶，同小朋友玩遊戲同埋派發燈籠。記住食飽之後唔好急急腳走，同小木偶一起過中秋節也是一個不錯的節目。
地點：時代廣場10樓
時間：8:00pm至8:30pm
想過一個超熱鬧嘅中秋節，唔去維園重可以去邊？今年維園除咗有舞火龍之外，重有一個相信係全球最大嘅綵燈，面積如足球場咁大，名叫「綵燈大觀園」。另外，係維港兩岸嘅花艇巡遊亦都值得一趁。
綵燈大觀園
地點：維多利亞公園
亮燈時間：6:30pm至11:00pm
花艇巡遊
時間：7:30pm至9:30pm
